ಸ್ಟ್ರಾಬಿಸ್ಮಸ್ (ಮೆಳ್ಳಗಣ್ಣು) ಬಗ್ಗೆ ಮಾತನಾಡೋಣ. ಶಸ್ತ್ರಚಿಕಿತ್ಸೆಯ ಮೂಲಕ ಸ್ನಾಯುಗಳ ಉದ್ದವನ್ನು ಬದಲಾಯಿಸುವ ಮೂಲಕ ಮೆಳ್ಳಗಣ್ಣಿಗೆ ಚಿಕಿತ್ಸೆ ನೀಡುವುದಕ್ಕಿಂತ ಮೆದುಳಿನ ಮಟ್ಟದಲ್ಲಿ ಚಿಕಿತ್ಸೆ ಮಾಡುವುದು ಹೆಚ್ಚು ಪರಿಣಾಮಕಾರಿಯಾಗಿದೆ. ಇದಕ್ಕಾಗಿ ಆಯುರ್ವೇದದ ಶಾಲಾಕ್ಯತಂತ್ರ ವಿಭಾಗದಲ್ಲಿ ದೃಷ್ಟಿ ಚಿಕಿತ್ಸೆ, ಆಧುನಿಕ ನ್ಯೂರೋ ಥೆರಪಿ, ಮತ್ತು ಭಾರತೀಯ ಮೂಲದ ನಾನ್ ಇನ್ವೇಸಿವ್ ಬ್ರೈನ್ ಸ್ಟಿಮುಲೇಷನ್ ಚಿಕಿತ್ಸೆಗಳನ್ನು ರೋಗಿ ಮತ್ತು ರೋಗದ ಅನುಗುಣವಾಗಿ ಸಂಯೋಜಿಸಬೇಕು. ಒಬ್ಬ ವ್ಯಕ್ತಿಯು ಜಗತ್ತನ್ನು ನೋಡುವ ಸಲುವಾಗಿ ಮೆಳ್ಳಗಣ್ಣನ್ನು ಏಕೆ ಹೊಂದುತ್ತಾನೆ ಎಂಬುದಕ್ಕೆ ಸಂಬಂಧಿಸಿದ ಅನೇಕ ಮಾನಸಿಕ ಮತ್ತು ಭಾವನಾತ್ಮಕ ಅಂಶಗಳಿವೆ. ಸಾಮಾನ್ಯವಾಗಿ ಗೊಂದಲ ಮತ್ತು ಭಯದ ಸ್ಥಿತಿಯು ಇದ್ದು ಅವರ ಪ್ರಪಂಚಕ್ಕೆ ಸ್ವಲ್ಪ ಸಂಬಂಧ ಅಥವಾ ಯಾವುದೇ ಸಂಬಂಧವನ್ನು ಹೊಂದಿರುವುದಿಲ್ಲ; ಸಂಕ್ಷಿಪ್ತವಾಗಿ, ಮೆಳ್ಳಗಣ್ಣು ಹೊಂದಿರುವ ಜನರಿಗೆ ತಾವು ಯಾವ ಜಾಗದಲ್ಲಿ ಇದ್ದೇವೆ ಎಂದು ಸರಿಯಾಗಿ ಗೊತ್ತಾಗುವುದಿಲ್ಲ. ಆಂತರಿಕ ಮೆಳ್ಳಗಣ್ಣಿನ (ಕ್ರಾಸ್ಡ್ ಐ) ಜನರು ಸಾಮಾನ್ಯವಾಗಿ ಜಗತ್ತನ್ನು ಒಂದು ಸ್ಥಿರ ರೀತಿಯಲ್ಲಿ ನೋಡುತ್ತಾರೆ.
ಬಾಹ್ಯ ಮೆಳ್ಳಗಣ್ಣಿನ (ವಾಲ್ ಐ) ಜನರು ಜಗತ್ತನ್ನು ಅನೇಕ ದೃಷ್ಟಿಕೋನಗಳಿಂದ ನೋಡುತ್ತಾರೆ. ಅವರು ಒಂದೇ ಬಿಂದುವಿನ ಮೇಲೆ ಕೇಂದ್ರೀಕರಿಸಲು ಸಾಧ್ಯವಾಗದ ಕಾರಣ ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ತೊಂದರೆ ಇರುತ್ತದೆ. ಮೆಳ್ಳಗಣ್ಣಿನ ಚಿಕಿತ್ಸೆಯಲ್ಲಿ ಮೆದುಳನ್ನು ಪುನರುಜ್ಜೀವನಗೊಳಿಸುವುದೇ ಯಶಸ್ಸಿನ ಕೀಲಿಕೈ. ಅದರಿಂದ ಕಣ್ಣುಗಳು, ಮೆದುಳು ಮತ್ತು ದೇಹವು ಹೆಚ್ಚು ಸಮಗ್ರವಾಗಿ ಕೆಲಸ ಮಾಡುತ್ತದೆ. ಇವೆಲ್ಲಾ ದೀರ್ಘಕಾಲೀನ ಚಿಕಿತ್ಸೆಗಾಗಿದ್ದು, ನಿಧಾನವಾಗಿ ಪರಿಣಾಮ ಮಾಡುವವು. ಇಲ್ಲಿ ರೋಗಿಯ ಸ್ವಪ್ರಯತ್ನ, ಆತ್ಮವಿಶ್ವಾಸ, ತಾಳ್ಮೆ, ನಿಗಧಿತ ದಿನಚರಿ ಮತ್ತು ನಿರ್ದೇಶಿತ ಆಹಾರ ವಿಹಾರ ಆಚಾರ ಪಾಲನೆ, ಕಣ್ಣು ಮತ್ತು ದೇಹಕ್ಕೆ ವೈದ್ಯರು ಹೇಳಿಕೊಡುವ ವ್ಯಾಯಾಮ, ಇವೆಲ್ಲಾ ಬಹಳ ಮುಖ್ಯ.